काठमाडौं । काठमाडौं महानगरपालिका भित्र मंगलबारदेखि कोरोनाविरूद्ध खोप लगाइने भएको छ। जेठ २५ गतेदेखि जेठ २९ गतेसम्म खोप अभियान चल्नेछ। सो खोप अभियानमा ६० देखि ६४ वर्ष उमेर समूहमा पहिलो मात्रामा चिनियाँ भेसोसेल दोस्रो खोप लगाउन अभियान सुरु गर्ने भएको महानगरले जनाएको छ। बिहान १० बजेदेखि अपरान्ह ४ बजेसम्म नजिकको वडा कार्यालयमा गएर खोप लगाउन सकिन्छ। पहिलो खोप लगाएकालाई अहिले दोस्रो खोप लगाइने छैन। कोरोना संक्रमण भएका व्यक्तिले एक महिना पूरा भएपछि मात्रै खोप लगाउन पाउनेछन्।
कुन उमेर समुहका नागरिकको पालो कहिले
जेठ २६ गते – ६३ वर्ष
जेठ २७ गते – ६२ वर्ष
जेठ २८ गते – ६१ वर्ष
जेठ २९ गते – ६० वर्ष
तोकिएको मितिमा उमेर खुल्ने फोटोसहितको सरकारी कागजात वा वडा कार्यालयबाट उमेर खुलेको सिफारिस पत्र लिएर खोपकेन्द्रमा जान सूचित गरिएको छ । यस अभियानमा भेरोसिलको दोस्रो मात्रा नलगाइने पनि स्पष्ट पारिएको छ ।