काठमाडौं । वीर अस्पताल (कोरोना युनिफाइड अस्पताल) को नयाँ सर्जिकल भवनमा कोरोना संक्रमितका लागि १८ वटा आइसीयू बेड थपिने भएको छ ।अस्पतालका प्रमुख डा.जागेश्वर गौतमले नयाँ सर्जिकल भवनमा १८ वटा आइसीयू बेड थप गर्ने तयारी भएको जानकारी दिए । यसअघि वीर अस्पतालमा ९ वटा आइसीयू बेड कोरोना संक्रमितका लागि सञ्चालन गरिएको थियो।
‘नयाँ भवनमा अबको एकसाता भित्रमा नै अक्सिजन प्लान्ट जडान हुन्छ,’ उनले भने, ‘अक्सिजन प्लान्ट जडानसँगै आइसीयू बेड पनि तयार हुन्छ। नयाँ भवनमा अक्सिजन सपोर्टमा राख्नपर्ने बिरामीलाई सहज हुन्छ।’
उनका अनुसार पहिला अस्पतालमा ९ वटा आइसीयू बेड रहेको थियो अहिले थप ६ बेड थप गरेर १५ बेड पुगेको छ । अब थप नयाँ १८ वटा बेड थपेर ३३ वटा पुग्ने छ । अस्पतालमा हाल १५ वटा आइसियू बेड रहेको छ। उनले भने, ‘वीर अस्पतालमा आइसीयू थप हुँदा बिरामीले सरकारीमा बेड नपाएर निजीमा महंगो शुल्क तिर्नपर्ने बाध्यता कम हुन्छ।