काठमाडाैं । कुवेतमा नेपाली कामदारलाई राेजगारीकाे अवसर बढाउने विषयमा छलफल भएकाे छ । कुवेतका लागि नेपाली राजदूत दुर्गाप्रसाद भण्डारी र कुवेतका परराष्ट्र मन्त्रालयका उपमन्त्री अहमद इब्राहिम अल दफरीबीच आज भएकाे भेटवार्तामा उक्त विषयमा छलफल भएकाे हाे ।

भेटमा विश्वव्यापी महामारीको रूपमा फैलिएको कोरोना भाइरसको संक्रमण, कुवेत र नेपालमा कोभिड-१९ को संक्रमणको हालको अवस्था लगायत संक्रमण रोकथाम तथा उपचारको क्षेत्रमा दुई देशबीच आपसी सहयोग अभिवृद्धि गर्ने विषयमा छलफल भएको दूतावासले जनाएकाे छ ।

नेपाली कामदारहरूले कुवेतको श्रम बजारमा प्राप्त गरेको रोजगारीको अवसर तथा यस क्षेत्रमा पुर्याएको योगदान, रोजगारीको सुरक्षा र हालको अवस्था लगायत थप अवसरहरूमा नेपालीहरूको संलग्नता अभिवृद्धि गर्दै लाने विषयमा पनि उनीहरू बीच छलफल भएको थियो ।