काठमाडौं । आज २०७८ साल ज्येष्ठ महिनाको २६ गते बुधबार, ज्येष्ठ कृष्णपक्षको चतुर्दशी तिथि । अब लागौं राशिफलतर्फ ।

मेष
तुरुन्तै कडा खलाको त तुरुन्तै नरमखाले विपरित लाग्ने खालको बोलीको स्वरुप देखा पर्न जाने छ । यसले गर्दा खासगरी परिवारका सदस्यहरुमा अन्योलता बढन पुग्ने छ । पेशागत जीवन सकारात्मक रहने छ । तर सुख सुविधाको अभाव हुन जाने छ । सेना, प्रहरी, सुरक्षा फौज, घर घडेरी, सेक्युरिटी सेवा, होटल रेष्टुरेण्ट जस्ता क्षेत्रमा संलग्नहरुलाई समय चुनौतिपूर्ण छ ।

वृष
दृढ ब्यक्तित्व बन्ने भए पनि मनमा भने दुविधाले डेरा जमाउने छ । यसले गर्दा अन्योलखाले ब्यक्तित्व बन्न पुग्ने छ । आत्माविश्वासी व्यक्तित्व हुने छ । रिस कडा हुने भएकाले रिस नियन्त्रणमा ध्यान दिनु होला । पराक्रमी र मेहनतपनामा ब्यापक गिरावट आउँदा कामहरु गर्नमा जाँगर चल्ने छैन । भाग्य बलियो रहेकाले साह्रै नकारात्मक हुने अवस्थाबाट भने जोगाउने छ । आम्दानीमा भने केही बृद्धि हुने छ ।

मिथुन
मनमा भने दुविधाले घेर्ने छ । आफ्नो बुद्धि र विवेकले काम नगर्दा अपजस आइ लाग्ने भएकाले यस विषयमा गम्भीर बन्नु होला । आम्दानीमा भने बृद्धि हुन जाने छ । जीवनसाथिको साथ लिएर कार्य गरेमा त्यसले गुणात्मक परिणम दिने छ । कल कारखाना, फलाम, उद्योग, भाडाका सवारीसाधन, सार्वजनिक सवारीसाधन, ग्यारेज, नट बल्टुको कारोवारमा रहेकाहरुलाई समय प्रतिकुल रहने छ । अध्ययन अध्यापनमा भने तिब्रता आउने छ ।

कर्कट
आफ्नो लक्ष्य र सपना पुरा गर्न केन्द्रीत हुने व्यक्तित्व बन्ने भए पनि उक्त कार्य प्रति क्षणक्षणमा दुविधा देखा पर्नेछ । मनोबल कमजोर बन्ने भएकाले कमजोर खालको ब्यक्तित्व बन्न जाँदा आँटिलोपनामा पनि गिरावट आउने छ । शारीरिक कमजोरीले सताउने छ । विद्यार्थीहरुको पढाईमा अवरोध देखा पर्ने छ । सुरक्षा निकाय, सेना, प्रहरी, सेक्युरिटी गार्ड, ठेक्कापट्टा, प्रशासन क्षेत्र आदीमा संलग्नहरुलाई समय प्रतिकुल रहेको छ ।

सिंह
पेशागत जीवनमा अस्थिरता आउने छ । सmझेदारीमा गरिएका काममा पनि गम्भीर बादविवादहरु देखा पर्ने छन् । आम्दानीमा भने हल्का बृद्धि हुँदा केही राहत प्राप्त हुन जाने छ । साझेदारीमा गरिएका कामहरुमा उल्झन देखा पर्ने छ । अस्पतालजन्य खर्च बढाई दिने छ । शारीरिक कमजोरी उत्पन्न हुने छ । संयमित रहनु पर्ने समय छ ।

कन्या
पैतृक सम्पत्तिको परिचलन र आड भरोसाले सुख सन्तोषको अवस्था ल्याउने छ । धनमा बृद्धि हुने छ । आम्दानीमा पनि केही बृद्धि नै हुन जाने छ । दाम्पत्य जीवनमा भने तिक्तता देखा पर्न जाने छ । साझेदारीमा गरिएका काममा र प्राप्त गर्नु पर्ने पारिश्रमिक पाउने संघर्ष गर्नु पर्ने छ । अध्ययन अध्यापनमा सकारात्मक गति प्रदा हुने छ । व्यवस्थापन, राजनीति, औषधी आपूर्ति, आयात निर्यातको क्षेत्रमा संलग्नलाई फाइदा मिल्ने छ ।

तुला
मनमा असाध्यै दुविधा आउने छ । उदासिनता बढ्ने भएकाले आत्मबलको कमि हुने हुँदा अन्योलग्रस्त व्यक्तित्व बन्ने छ । पेशागत जीवनमा पनि समस्या देखा पर्ने भएकाले कार्यालयमा सचेत ढंगले प्रस्तुत हुनु होला । नरम बन्दा नै फाइदा हुने छ । रेष्टुरेण्ट, होटल, डान्स बार, बाउन्सर, सुरक्षा निकाय, खेलाडी, कुक आदी जस्ता पेशामा रहेकाहरुले प्रतिकुलताको सामना गर्नु पर्ने छ । संयमित भएर रहनु पर्ने समय छ ।

वृश्चिक
पेशागत जीवनमा एक हदसम्मको सन्तुष्टि र प्रगति हुने छ । जीवनसाथिको साथमा काम गरेमा उक्त कार्यले सफलता दिने छ । मनमा भने अलि नकारात्मक सोचाईले पछ्याउने छ । जीवनप्रति उदासिनता देखा पर्ने छ । अध्ययन अध्यापनमा प्रगति हुने छ । मनोबल कमजोर भएको व्यक्तित्व हुने भएकाले प्रतिष्पर्धिहरुले हेप्ने छन् । शारीरिक रुपमा पनि कमजोरी बढ्ने भएकाले शारीरिक अभ्यासलाई निरन्तरता दिनु होला । वाणिज्य, बैंकिङ्ग क्षेत्र, राजनीति, व्यवस्थापन, पत्रकारिता आदीमा संलग्नहरुलाई समय अनुकुल छ ।

धनु
लद्युताभाष बढ्न पुग्दा आफुले गरिरहेको काममा असफलता हुन्छु कि भन्ने मनमा त्रास लागि रहने छ । आफुलाई निकै कमजोर पात्र जस्तो अनुभुत हुने छ । जीवनसाथिको साथ र सल्लाहमा काम गरेमा यस्तो अवस्थासँग जुधि अघि बढ्न निकै राहत मिल्ने छ । परिवारको भने साथ रहने छ । तर बोलीमा भने कडापना देखा पर्ने भएकाले यस विषयमा संयमित रहनु होला । चिकित्सक, सर्जन, अर्थाेपेडिक डाक्टर, सुरक्षा निकाय आदीमा सहभागिहरुलाई समय संयमित हुनु पर्ने खालको छ ।

मकर
उच्च दृढताले भरिएको व्यक्ति हुने छ । तर रिसको मात्रामा पनि उस्तै डिग्रि बढ्ने भएकाले यसलाई नियन्त्रण गर्न प्रयास गर्नु होला । आफु भन्दा मुनिका कामदार तथा सेवकको साथका कारण फाइदा मिल्ने छ ।साझेदारीमा गरिएका कामहरुमा झैझगडा हुने अवस्था आउने भएकाले सतर्क रहनु होला । आम्दानीमा गिरावट आउने भएकाले यसले परिवारमा दबाब उत्पन्न गराइ दिने छ । दाम्पत्य जीवनमा भने समस्या निम्तिने छ ।

कुम्भ
बौद्धिक व्यक्तित्व बन्ने छ । सामाजिक सेवामा सक्रिय हुन मन लाग्ने छ । कारुणिक स्वाभाव बढ्न जाँदा अरुलाई सहयोग गरौं गरौं लाग्ने छ । साझेदारीमा गरिएका कामले फाइदा दिने छ । पेशागत जीवन औसत रहेता पनि आम्दानीमा भने बृद्धि हुने छ । परिवारका सदस्यहरुले समर्थन दिने छन् । रोग ब्याधिसँग लड्ने क्षमता अर्थात रोग प्रतिरोधात्मक क्षमतामा कमि आउने भएकाले यसबारेमा सतर्क रहनु होला । शारीरिक अभ्यासमा ध्यान दिनु होला ।

मीन
पढाईमा पटक्कै मन जाने छैन । भाग्यको साथ नरहेकाले परिवारका सदस्यहरु तपाईप्रति टाढिन जाने छन्m विचार पु¥याउनु होला । पेशागत जीवनमा पनि नसोचेका समस्याहरु आउँदा अपमान सहनु पर्ने छ । सन्तानका गतिविधिबाट अपजस आइ लाग्ने छ । शिक्षा क्षेत्र, विद्यालय, कलेज, अध्यापन, शिक्षण, स्टेशनरी, पत्रकारिता जस्ता पेशामा आवद्धहरुलाई समय प्रतिकुल छ । समय सतर्क भएर पाइला चाल्नु पर्ने खालको छ ।