काठमाडौँ । जनता समाजवादी पार्टी (जसपा)का संघीय परिषद्का अध्यक्ष बाबुराम भट्टराईले राजनीतिमा नयाँ ध्रुवीकरण हुने बताएका छन् । उनले प्रधानमन्त्रीसमेत रहेका नेकपा एमालेका अध्यक्ष केपी शर्मा ओलीको प्रतिगमनविरुद्ध राजनीतिक ध्रुवीकरण हुने बताएका हुन् ।

उनले भने, ‘भनिन्छ कुनै पनि संकट नयाँ सम्भावना लिएर आउँछ । ओली प्रतिगमनविरोधी संयुक्त संघर्षले नयाँ राजनीतिक ध्रुवीकरण पनि गराउन सक्छ ।’

अध्यक्ष भट्टराईले ओलीले ‘कम्युनिष्ट’ पदावलीलाई नै बदनाम गराइसकेको समेत बताएका छन् । यस्तो अवस्थामा नयाँ राजनीतिक ध्रुवीकरण हुनु स्वभाविक भएको भन्दै भने, ‘ओलीले ‘कम्युनिष्ट’ पदावलीलाई नै बदनाम गराइसकेको अवस्थामा फेरि अर्को ‘असली कम्युनिष्ट’को कुरा गर्नु ‘बरमझियाको असली बाजेको पेडा’ हुनसक्छ ।’