काडमाडौँ । संसद विघटनसम्बन्धी मुद्दामा सुनुवाइ गर्न बुधबार पेशी तोकिएको छ । संवैधानिक इजलासको पेशीका लागि आज पेशी तोकिएको हो ।

इजलासमा सहभागी दुई न्यायाधीशमाथि सरकारी पक्षका वकिलले प्रश्न उठाएपछि गत आइतबार विषयवस्तुमा प्रवेश नै नगरी बहस हेर्दाहेर्दैमा स्थगित भएको थियो । यस्तै, प्रधानन्यायाधीश चोलेन्द्र शमशेर विरामी हुँदा सोमबार र मंगलबार इजलास बस्न सकेको थिएन ।

सर्वोच्चका अनुसार सरकारी वकिलले प्रश्न उठाएका न्यायाधीशहरू दीपककुमार कार्की र डा‍ आनन्द मोहन भट्टराईले इजलासमा नै आफ्नो राय व्यक्त गर्ने भएका छन् ।

उनीहरू इजलासमा बस्न तयार भए भने इजलास विषयवस्तुमा प्रवेश गर्ने छ । तर, उनीहरूले इजलासमा नबस्ने राय दिएमा संवैधानिक इजलास पुनर्गठनको आवश्यकता पर्ने छ । जसका कारण मुद्दामा सुनुवार्इ थप लम्बिने छ ।