काठमाडौं । शर्मा एण्ड कम्पनीका संस्थापक अध्यक्ष राधाकृष्ण शर्माको निधन भएको छ । काठमाडौंस्थित बयोधा अस्पतालमा उपचारका क्रममा ८५ वर्षीय शर्माको मंगलबार मष्तिष्काघातका कारण निधन भएको हो ।

शर्माको मंगलबार नै पशुपति आर्यघाटमा अन्त्येष्टि गरिएको शर्मा एण्ड कम्पनीका निर्देशक एवं प्रशासन प्रमुख रमेश सुवेदीले जानकारी दिए ।

शर्माले सन् १९६६ मा काठमाडौंको सीतापाइलामा कम्पनी स्थापना गरेका थिए । उनी नेपाल निर्माण व्यवसायी महासंघका संस्थापक उपाध्यक्ष समेत हुन् । उनले तीन कार्यकाल महासंघको उपाध्यक्ष र दुई पटक सल्लाहकारको भूमिका निर्वाह गरेका थिए ।