काठमाडौं । सभामुख अग्नि प्रसाद सापकोटाले आज सर्वदलीय बैठक बोलाएका छन् ।

प्रतिनिधि सभा विघटनपछि पूर्वसभामुख एव‌ कानुन व्यवसायीसँग चरणवद्ध छलफलमा जुटेका सभामुख सापकोटाले आज प्रतिनिधि सभामा प्रतिनिधित्व गर्ने दलका शीर्ष नेताहरूलाई छलफलमा बोलाएका हुन् ।

विघटित प्रतिनिधि सभामा नेकपा एमाले, नेपाली कांग्रेस माओवादी केन्द्र, जनता समाजवादी पार्टी जसपा, राष्ट्रिय जनमोर्चा, राष्ट्रिय प्रजातन्त्र पार्टी राप्रपा र नेपाल मजदुर किसान पार्टी नेमकिपाको प्रतिनिधित्व थियो ।

बैठक दिउँसो २ बजे नयाँबानेश्वरस्थित संघीय संसद भवनको ल्होत्से हलमा बस्ने सभाुमखेको सचिवालयले जनाएको छ । सापकोटाले बैठकमा प्रधानमन्त्री केपी शर्मा ओलीलाई पनि बोलाएका छन् ।

सरकारको सिफारिसमा राष्ट्रपति विद्यादेवी भण्डारीले जेठ ८ गते प्रतिनिधि सभा विघटन गरी कार्तिक २६ र मङ्सिर ३ गतेको लागि चुनावको मिति तय गरेपछि सापकोटाले आगामी कदमको बारेमा परामर्श लिन यस अघि पूर्वसभामुखहरु, कानुन व्यवसायी एवं राजनीतिक दलका नेताहरुसँग छुट्टाछुट्टै भेट गरेका थिए ।

प्रतिनिधि सभा विघटन भएपछिको अवस्थाका बारेमा जाको बैठकमा छलफल हुने सभामुख सापकोटा संचारविज्ञ श्रीधर न्यौपानेले जानकारी दिए ।