सुर्खेत । कर्णाली प्रदेशको प्रमुख प्रतिपक्ष नेकपा एमालेले प्रदेशसभा बैठक सञ्चालन गर्न दिने भएको छ । एमालेले सर्वोच्च अदालतले पुनर्वहाली गरेका चार प्रदेशसभा सदस्य विपक्षी रोष्टममा बस्नुपर्ने भन्दै सदन अवरुद्ध गर्ने चेतावनी दिएको थियो ।

एमालेको बिरोधका कारण सरकारको नीति तथा कार्यक्रम पारित गर्ने कार्यसूची समेत प्रभावित भएको थियो । तर मंगलबार बसेको बैठकमा एमाले संसदीय दलका नेता यमलाल कँडेलले समय लिएर बोल्दै बजेट पेश गर्नुपर्ने बाध्यात्मक अवस्था भएकाले संसद चल्न दिने बताए । उनले आफ्नो माग कायमै रहेको बताए ।

नीति तथा कार्यक्रम सकेर बजेट ल्याउनुपर्ने बाध्यात्मक अवस्था रहेकाले सदन सहज रुपमा अगाडि बढाउन सहयोग गरेको उनले बताए ।