काठमाडाैं । जनता समाजवादी पार्टी (जसपा) काे आधिकारिकतासम्बन्धी विवादमा निर्वाचन आयाेगले निर्णय नदिएपछि अध्यक्षद्वय उपेन्द्र यादव र डा बाबुराम भट्टराईले पार्टी निकट कानून व्यवसायीसँग छलफल गरेका छन् ।

जसपाभित्र विवाद बढ्दै गएपछि यादव र भट्टराई पक्षले अर्का अध्यक्ष महन्थ ठाकुरलगायतलाई कारवाही गरी उक्त निर्णय आयाेगमा पठाएका थिए । तर आयाेगले उक्त कारवाहीकाे वैधानिकतामा प्रश्न उठाउँदै दुवै पक्षकाे सहमति भएकाे निर्णयमात्र मान्य हुने पत्र पठाएकाे थियाे ।

पार्टी निकट कानून व्यवसायीले आयोगको निर्णय विरुद्ध सर्वोच्च अदालत गए अदालती प्रक्रिया झन लम्बिने भन्दै पुनः आयाेगमै गएर छलफल गर्न सुझाव दिएका थिए । राजनीतिक दलसम्बन्धी ऐनको दफा ४३ र ४४ अनुसार बहुमतको आधारमा सिंगो पार्टीको आधिकारिकता दाबी गर्दा सहज हुने उनीहरूकाे सुझाव थियाे ।