काठमाडाैं । पार्टीभित्र देखिएकाे विवादकाे विषयमा छलफल गर्न जनता समाजवादी पार्टी नेपाल (जसपा) काे उपेन्द्र यादव र डा बाबुराम भट्टराई पक्षले केन्द्रीय कार्यकारिणी समितिकाे बैठक बाेलाएकाे छ ।

अध्यक्ष उपेन्द्र यादवले आज एक सूचना जारी गर्दै बिहीबारका लागि कार्यकारिणी समितिकाे बैठक बाेलाएका हुन् । बैठक पार्टी कार्यालय बालकुमारीमा बिहान ११ः३० बजे बस्नेछ ।

पार्टीका पदाधिकारी र कार्यकारिणी समितिका सदस्यलाई बैठकमा सहभागी हुन सूचित गरिएकाे छ । अर्का अध्यक्ष महन्थ ठाकुर पक्षसँग विवाद बढेपछि पार्टीकाे आधिकारिकता दाबी गर्दै यादव-भट्टराई पक्ष निर्वाचन आयाेग गएपनि आयाेगले आधिकारिकता दिन अस्वीकार गरेकाे छ ।