काठमाडौँ । नेकपा एमालेकी लुम्बिनी प्रदेशका प्रदेशसभा सदस्य विमला कुमारी ओलीलाई पार्टीले तीन दिने स्पष्टीकरण सोधेको छ । गत जेठ ३० गते प्रदेश सरकारले प्रस्तुत गरेको नीति तथा कार्यक्रमको विपक्षमा मतदान गरेको भन्दै उनलाई स्पष्टीकरण सोधिएको हो ।

लुम्बिनी प्रदेश एमालेका प्रमुख सचेतक भूमिश्वर ढकालले ओलीलाई तीन दिनको म्याद राखेर स्पष्टीकरण सोधेका हुन् । प्रदेशसभा सदस्य उत्तरकमुर ओलीको दुर्घटनाबाट निधन भएपछि उनीकी पत्नी बिमला नेकपाको तर्फबाट उम्मेदवार भई प्रदेशसभामा उप निर्वाचनमा विजयी भएकी थिइन् ।

सर्वोच्च अदालतले एमाले र माओवामदी केन्द्र ब्युँताइदिएपछि बिमलाले गत वैशाखमा माओवादी केन्द्र रोजेकी थिइन् ।