काठमाडौं । जनता समाजवादी पार्टी(जसपा)को अधयक्ष उपेन्द्र यादव समूहले आज कार्यकारिणी समिति बैठक बोलाएको छ ।

बिहान साढे ११ बजे बस्ने बैठकमा पार्टीको आधिकारिकता दाबी गर्ने, पार्टी विधान र अनुशासन उल्लंघन गर्ने नेताहरूलाई कारबाही गर्नेलगायत विषयमा छलफल हुने केन्द्रीय कार्यालय प्रमुख प्रकाश अधिकारीले जानकारी दिए ।

तर, पार्टीको अध्यक्ष महन्थ ठाकुर र वरिष्ठ नेता राजेन्द्र महतो समूहले भने कार्यकारिणी समिति बैठक आह्वान नभएको बताएको छ ।

अध्यक्ष ठाकुरले बुधबार साँझ विज्ञप्ति निकाल्दै कार्यकारिणी समिति बैठक आह्वान नभएको र सहभागी नहुन आफू पक्षका नेतालाई आग्रह गरेका थिए ।

सत्ता समीकरणका विषयमा जसपामा विवाद छ । यादव समूह विपक्षी गठबन्धनमा छ भने ठाकुर समूह वर्तमान सरकारमा सहभागी भएको छ ।