कञ्चनपुर । महाकाली प्रादेशिक अस्पतालको लामो समयदेखि बन्द रहेको ओपिडी सेवा सञ्चालन गरिने भएको छ ।

कोरोना सङ्क्रमण बढेसंगै बन्द गरिएको ओपिडी सेवा आइतबारदेखि सञ्चालनमा आउन लागेको हो ।

अस्पतालमा कोरोनाका बिरामीहरुको सङ्ख्या घट्दो क्रममा रहेकाले सो सेवा सञ्चालन गरिन लागेको अस्पतालका निमित्त मेडिकल सुपरिटेन्डेन्ट हरिकुमार श्रेष्ठले बताए ।

उनका अनुसार भौतिक दूरी कायम गरी प्रति दिन २० जनालाई उक्त सेवा दिईने छ ।