इरानले नयाँ र अत्याधुनिक रक्षा प्रणाली विकास गरेको बताउँदै सोही प्रणालीले अमेरीकी दुई लडाकु विमान खसालेको बताएको छ ।

इरानको संयुक्त सैन्य कमान्ड खाताम अल-अन्बियाुका अनुसार शुक्रबार अमेरिकी लडाकु विमान खसाल्न इरानले नयाँ हवाई रक्षा प्रणाली प्रयोग गरेको छ।

इरानी सरकारी सञ्चारमाध्यमका अनुसार, संयुक्त सैन्य कमान्डका प्रवक्ताले अब इरानले आफ्नो हवाई क्षेत्रमा निश्चित रूपमा पूर्ण नियन्त्रण कायम गर्ने बताएका छन् ।

अमेरिकी लडाकु विमान खसालिनुअघि राष्ट्रपति ट्रम्प र पेट हेगसेथ दुवैले इरानी आकाशमा अमेरिकाको पूर्ण वर्चस्व रहेको दाबी गरेका थिए।

इरानको इस्लामिक रिभोलुसनरी गार्डले यो नयाँ प्रणालीले एफ ३५ जस्ता आधुनिक पाँचौँ पुस्ताका विमानहरूलाई पनि सटिक रूपमा निसाना बनाउन सक्ने दाबी गरेको छ।

विगत एक महिनादेखि आकाशमा अमेरिका र इजरायलको वर्चस्व रहे पनि इरानले अब आफ्नो हवाई क्षेत्रमा ूपूर्ण नियन्त्रणू कायम गर्ने प्रतिबद्धता जनाएको छ।