काठमाडौँ । कोरोना भाइरस (कोभिड–१९) संक्रमण बढेसँगै स्याङ्जामा जारी निषेधाज्ञा थप गरिएको छ । आइतबार जिल्ला प्रशासन कार्यालयले एक सूचना जारी गर्दै निषेधाज्ञा थप गरिएको जानकारी दिएको हो ।

गत वैशाख २१ गतेदेखि सुरु भएको निषेधाज्ञा आगामी १५ गतेसम्म लम्बिएको हो । जिल्लामा कोरोना संक्रमितको संख्या बढ्दै गएपछि निषेधाज्ञा थप गरिएको प्रमुख जिल्ला अधिकारी दिपकराज नेपालद्वारा जारी सूचनामा जनाइएको छ ।