काठमाडौँ । नेकपा माओवादी केन्द्रका अध्यक्ष पुष्प कमल दाहाल प्रचण्ड र गण्डकी प्रदेशका विना विभागीय मन्त्री दीपक मनाङेबीच भेट वार्ता भएको छ । उनले जनता समाजवादी पार्टी (जसपा)का संघीय परिषद अध्यक्ष डा. बाबुराम भट्टराईसँग समेत भेट गरेका छन् ।

प्रचण्ड निवास खुमलटारमा पुगेर मनाङेले प्रचण्डसँग भेट गरेका हुन् । यस्तै, उनी आइतबार भट्टराईनिवास पुगेका हुन् ।

दुवै नेतासँग गण्डकी प्रदेशको सत्तारुढ गठबन्धनको विषयमा छलफल भएको
मनाङेले बताएका छन् । एमाले नेतृत्वको प्रदेश सरकारमा दुईपटक युवा तथा खेलकुद मन्त्री बनेका मनाङेले मुख्यमन्त्री पृथ्वी सुुब्बा गुरुङले विश्वासको मत माग्दा तटस्थ बसेका थिए ।

पछि नेपाली कांग्रेस, माओवादी केन्द्रसहितको विपक्षी गठबन्धनका नेता कृष्णचन्द्र नेपाली पोखरेललाई मुख्यमन्त्री बनाउन हस्ताक्षर गरेका उनी अहिले विना विभागीय मन्त्री रहेका छन् ।