काठमाडौँ । संखुवासभा जिल्लाको खाँदबारी नगरपालिका ४ सेकाहामा सेफ्टी ट्यांकी भत्किँदा दुई जनाको मृत्यु भएको छ । सेफ्टी ट्यांकी भत्किएर खाँदबारी ४ सेकाहाका ३३ वर्षीय तारावीर गुरुङ र २५ वर्षीय ईश्वर राईको मृत्यु भएको हो ।

गम्भीर घाइते गुरुङ र राईको जिल्ला अस्पतालमा आज साँझ साढे ७ बजे उपचारका क्रममा मृत्यु भएको जिल्ला प्रहरी कार्यालयका सूचना अधिकारी कविन राईले बताए ।

घाइते दुवैलाई स्थानीयवासीले तत्कालै उद्धार गरेर जिल्ला अस्पताल ल्याएका थिए ।