काठमाडौँ । करिब ३ महिनापछि भारतमा कोरोना भाइरस (कोभिड–१९) संक्रमण सबैभन्दा कम देखिएको छ । पछिल्लो २४ घण्टामा करिब ५३ हजार मात्रै नयाँ सक्रमित देखिएको समाचारमा जनाइएको छ ।

भारतीय स्वास्थ्य मन्त्रालयका अनुसार पछिल्लो २४ घण्टामा ५३ हजार २५६ जनामा कोरोना संक्रमण पुष्टि भएको हो । पछिल्ला दिनहरूमा भारतमा संक्रमण दर कम हुँदै गएको छ ।

यस्तै, ७८ हजार १९० जना संक्रमित कोरोना संक्रमण मुक्त भएका छन् । यससँगै सक्रिय कोरोना संक्रमितको संख्या ७ लाख २ हजार ८८७ पुगेको छ ।

कोरोना संक्रमणबाट पछिल्लो २४ घण्टामा थप १ हजार ४३३ जनाको मृत्यु भएको छ । हालसम्म भारतमा २ करोड ९९ लाख ३५ हजार २२१ जनामा कोरोना संक्रमण पुष्टि भएको भने ३ लाख ८८ हजार १३५ जनाको मृत्यु भएको छ । एजेन्सी