काठमाडौँ । जनता समाजवादी पार्टी (जसपा)का संघीय परिषद्का अध्यक्ष डा. बाबुराम भट्टराईले सर्वोच्च अदालतको अन्तरिम आदेश नेपाली राजनीतिमा रोचक परिदृष्य बन्ने बताएका छन् ।

उनले संविधानका निर्माता नै संविधानको शब्द र भावनाविपरीत गएर स्वेच्छाचारी ढंगले मन्त्री बनाउने र बन्ने लज्जास्पद हर्कत भएको बताएका छन् । सर्वोच्चले त्यसलाई उल्टिनु रोचक भएको उनले बताएका छन् ।

‘संविधानका निर्माता नै संविधानको शब्द–भावनाविपरीत गएर स्वेच्छाचारी ढंगले मन्त्री बनाउने–बन्ने लज्जास्पद हर्कत गर्नु र संविधानको व्याख्याता सर्वोच्च अदालतले त्यसलाई उल्ट्याउनु नेपाली राजनीतिको रोचक परिदृश्य बन्ने नै भयो,’ उनले भने, ‘क्षणिक निजी स्वार्थका निम्ति लम्पट बन्नेहरूको आँखा खुलेको छ ।’