काठमाडौँ । अधिवक्ता गोविन्द बन्दीले राष्ट्रपतिले आफ्नो जिम्मेवारी पूरा नगरेको आरोप लगाएका छन् । प्रतिनिधिसभा विघटनविरुद्ध परेको रिटमा संवैधानिक इजलासमा सुरु भएको बहसमा भाग बोल्दै उनले संविधानको धारा ७६(५) अनुसार प्रधानमन्त्रीमा दाबी परिसकेपछि त्यसलाई अस्वीकार गर्ने अधिकार राष्ट्रपतिलाई छ कि छैन भन्ने प्रश्नसमेत गरे ।

प्रधानमन्त्रीमा आफ्नो विश्वास गुमाइसकेका व्यक्तिले फेरि दाबी गर्न सक्छ कि सक्दैन ? ७६(५)मा राजनीतिक दलको ह्वीप लाग्छ कि लाग्दैन ? र ७६(५)मा सरकार बनाउँदा पछि के हुन्छ भनेर राष्ट्रपतिले आँकलन गर्न कसरी पाउँछ ? भन्दै उनले प्रश्न गरेका थिए ।

अधिवक्ता बन्दीले भने, ‘बहुमत १३६ हो, १४९ सांसद हस्ताक्षर छ, १४६ त अदालत आउनुभएको छ, योभन्दा बलियो आधार के हो ?’

रास्ट्रपतिले संविधानभन्दा बाहिर गएर काम गरेको उनको तर्क रहेको छ ।