काठमाडौँ । वरिष्ठ अधिवक्ता महादेव यादवले संविधानको धारा ७६(५) अनुसारको प्रधानमन्त्री बन्न दलको समर्थन नचाहिने जिकिर गरेका छन् ।

प्रतिनिधिसभा विघटनविरुद्ध नेपाली कांग्रेस सभापति शेयर बहादुर देउवासहितको निवेदनमाथि पक्षमा बहसमा गर्दै उनले संविधानको धारा ७२(३) सम्म दलको समर्थनको कुरा आउने भए पनि उपधारा ५ मा त्यस्तो व्यवस्था नरहेको जिकिर गरे ।

‘धारा ७६ को उपधारा ३ सम्म दलको समर्थनको कुरा आउँछ, तर उपधारा ५ मा दलको समर्थन चाहिँदैन, संविधानको धारा ७६(२) बमोजिमको कुनै सदस्य भनेको हुनाले त्यहाँ दलको समर्थन संविधानले खोजेको छैन, ७६(५) अनुसार सरकार गठन हुन दलको ह्विप लाग्दैन,’ उनले भने ।