काठमाडौं । साताको तेस्रो कारोबार दिन हिजो मंगलबार नेप्से परिसूचक ७९ दशमलब ४४ अंकले बढेकोमा आज बुधबार ५१ दशमलब ६५ अंकले घटेको छ ।

बजार परिसुचक अघिल्लो दिनको तुलनमा १ दशमलब ७७ प्रतिशतले घटेर २ हजार ८ सय ६२ दशमलब १८ बिन्दुमा पुगेको छ ।

कूल २ सय १६ कम्पनीको ७३ हजार २ सय ९९ कारोबारबाट ६ अर्ब ६५ करोड २३ लाख २६ हजार ७ सय ४४ रुपैयाँ बराबरको १ करोड ६१ लाख ७ हजार ५६ कित्ता शेयर खरिद विक्रि भएको स्टक एक्सचेञ्जले जनाएको छ ।

स्टक एक्सचेञ्जका अनुसार कारोबार भएका ११ कम्पनी समुहका उपसुचक सबैले घाटा व्यहोरेकाले पनि नेप्सेमा ऋणात्मक देखिएको हो ।