काठमाडौँ । नेपाली कांग्रेसका सभापति शेरबहादुर देउवा निवास बुढानीलकण्ठमा गठबन्धन पक्षको बैठक सुरु भएको छ । नेपाली कांग्रेस, नेकपा माओवादी केन्द्र, एमालेका माधव नेपाल समूह, जनता समाजवादी पार्टी (जसपा)का उपेन्द्र यादव समूह र राष्ट्रिय जनमोर्चाका शीर्ष नेताहरूबीच बैठक सुरु भएको हो ।

बैठकमा कांग्रेसबाट देउवासहित रामचन्द्र पौडेल, बालकृष्ण खाण, माओवादीबाट पुष्पकमल दाहाल प्रचण्ड, नारायणकाजी श्रेष्ठ, देव गुरुङ, जसपाबाट उपेन्द्र यादव र बाबुराम भट्टराई, एमालेबाट माधव नेपाल, भीम रावल र राजमोबाट दुर्गा पौडेल सहभागी रहेका छन् ।

हिजो मंगलबार गठबन्धन पक्षले संयुक्त विज्ञप्ति जारी गर्दै जनताले कष्टपूर्ण संघर्षबाट प्राप्त गरेको उपलब्धि गुम्ने खतरा उत्पन्न भएको बताएको थियो।