काठमाडौं । प्रधानमन्त्री समेत रहेका नेकपा एमालेका अध्यक्ष केपी शर्मा ओलीले पार्टी स्थायी समितिको बैठक बोलाएका छन् । प्रधानमन्त्रीको सरकारी निवास वालुवाटारमा अहिले विहान ९ वजे उनले पार्टी स्थायी समिति बैठक बोलाएका हुन् ।

केन्द्रीय कार्यालयका सचिव शेरवहादुर तामाडका अनुसार, बैठक बालुवाटारमा विहान बस्ने गरी बोलाइएको हो । समसामायिक राजनीतिका विषयमा छलफल गर्ने भनी बैठक बोलाएको छ । तर यस अगाडी एमाले एकताका लागि भन्दै एमालेले स्थायी समिति बैठक दुई-दुई पटक सम्म स्थगित गरेर बसेको थियो ।

पार्टी नेता माधव नेपाल पक्षलाई विपक्षी गठवन्धनबाट छुटाउने र पार्टीभित्रको एकता जोगाउन अधिकतम प्रयास गर्ने गरी स्थायी समिति बैठक रोकेर बसेको ओली पक्षको तर्क थियो । तर नेपाल पक्षले अझै पनि विपक्षी गठवन्धनसँग कसिलो मोर्चाबन्दी गर्न थालेपछि अव के गर्ने ? भन्नेमा केन्द्रीत रहेर आजको स्थायी समिति बैठकमा छलफल हुन सक्ने नेताहरुको भनाई छ ।

ओलीले एकताका लागि आफु जेष्ठ ३ , २०७५ को पूर्व अवस्थामा फर्किन तयार रहेको र त्यसका लागि सर्वाेच्च अदालतमा पार्टी नेताहरुले विपक्षी नेता शेरवहादुर देउवालाई प्रधानमन्त्री बनाउन गरेको हस्ताक्षर फिर्ता लिनुपर्ने बताउँदै आएका थिए ।

तर नेपालले हस्ताक्षर फिर्तालाई अश्वीकार गदै आएको छ ।

कर्णाली प्रदेशका पूर्नवाहाली भएका सांसदहरु पार्टी निर्णय अटेर गदै अझै पनि माओवादी नेतृत्वको सरकारको सुरक्षा कवज बनेर वसिरहेको, सर्वाेच्चले पार्टीले कारवाही गरेका सांसदको पर्नूवाहाली गरेको र तयसका लागि भ्याकेटमा समेत अदालतमा पुगेको अवस्थामा पनि पार्टी बैठकमा समिक्षा हुने बताईएको छ ।

त्यसका अतिरिक्त बैठकमा माओवादीबाट एमाले समाहित भएका नेताहरुको समायोजनाको विषय पनि छलफल हुन सक्ने बताईएको छ । राष्टिय परिषद् सदस्य देखि प्रदेश कमिटि सम्मका विषयमा माओवादी छोडेर एमाले आएका नेताहरुको समायोजनका विषयमा हिजो मात्रै माओवादी छोडेर आएका नेताहरुको धोविघाट स्थित एक रेष्टुरेन्टमा छलफल भएको थियो ।

आजको वैठक पछि माधव नेपाल पक्षलाइ एकतामा आउन चाहे अन्तिम मौका दिने गरी निर्णय आउन सक्ने पनि नेताहरु बताउँछन् ।

त्यसो त नेताहरुले विद्यान महाधिवशेन बोलाउने विषयमा पनि यो स्थायी समिति बैठकले केही निर्णय गर्न सक्ने बताएका छन् । एमालेले भित्रभित्र विद्यान महाधिवशेन बोलाउने बारेमा छलफल गरिरहेको छ । वादल समुहले हिजो राष्टिय परिषद् सदस्यमा आफनो तर्फबाट आएकाहरुको सूचि तयार पार्न गरेको छलफल र त्यो छलफल लगत्तै एमाले संगठन विभाग प्रमुख समेत रहेका नेता विष्णु पौडेललाई उनकै निवास पुगेर गरेको भेटले पनि त्यस कुराको पुष्टि गर्छ ।

एमाले प्रवक्ता ज्ञवालीले विद्यान महाधिवेशनका विषयमा छलफल भईरहेको भएपनि नेपाल पक्ष एमालेमा रह्ने नरहने विषय पहिले क्लियर भए त्यसले एउटा खाका दिन सक्ने बताएका छन् ।

अन्तरिक छलफल छन्, स्थायी समितिमा छलफल हुन सक्छन्, नेता ज्ञवालीले भने ।