काठमाडौँ । नेपाली कांग्रेसका उपसभापति विमलेन्द्र निधि, महामन्त्री डा. शशांक कोइराला र पूर्व महामन्त्री प्रकाशमान सिंहबीच लञ्च मिटिङ सुरु भएको छ । उनीहरूको यो तेस्रो लञ्च मिटिङ हो ।

आज मंगलबार सिंह निवास चाक्सीबारीमा लञ्च मिटिङ सुरु भएको हो । यसअघि गत शुक्रबार निधि निवास र सोमबार कोइराला निवासमा लञ्च मिटिङ भएको थियो ।

नेपाली कांग्रेसको १४ औँ महाधिवेशन नजिकिँदै गर्दा निधि, कोइराला र सिंहबीच लञ्च मिटिङ हुँदै आएको छ । उनीहरूले आफूहरूलाई सभापतिको दाबेदारका रुपमा प्रस्तुत गर्दै आएका छन् । यसबारे थप सहमति तथा छलफलका लागि लञ्च मिटिङ बस्दै आएको हो ।