काठमाडौँ । बाढी पहिरोले लमजुङको मध्य मर्स्याङ्दीदेखि तनहुँको विद्युतगृह जोड्ने प्रसारण लाइनको ९ नम्बर टावर बगाएको छ । आज बिहान ६ बजेतिर एक सय ३२ केभी डबल सर्किट प्रसारण लाइनको उक्त टावर बगाएको नेपाल विद्युत प्राधिकरणले जनाएको छ ।

फूलबारी भन्ने ठाउँको नदीमा आएको बाढीले टावर बगाएको प्राधिकरणले जनाएको हो । टावर बगाएसँगै माथिल्लो ५० मेगावाट र मध्य मर्स्याङ्दी विद्युत गृहबाट उत्पादन हुने ७० गरी कूल एस सय २० मेगावाट विद्युत प्रासारण ग्रीडबाट विच्छेद हुन पुगेको छ ।

सो टावरको अवस्था बुझ्न र आपत कालीन मर्मतका लागि टोली साइटतिर गएको तर पुग्न सकेका छैनन् । पहिरो तथा टेलिफोन विच्छेद भएकाले बाधा भएको प्राधिकरणका प्रवक्ता मदन तिम्सिनाले जानकारी दिए ।