काठमाडौँ । प्रधानन्यायाधीश चोलेन्द्र शमशेर जबराले कांग्रेस सभापति शेर बहादुर देउवासहित १ सय ४६ जना सांसदले दाबीअनुसार प्रश्न गरेका छन् । उनले बहस भइरहेको रिटलाई मान्याता दिँदा ‘दलीय व्यवस्था क्षत विक्षत हुँदैन र ?’ भन्ने प्रश्न गरेका हुन् ।

सभामुखतर्फबाट बहस सकिएपछि निवेदक पक्षबाट जवाफ दिन लयर्स पोडियममा उभिएका वरिष्ठ अधिवक्ता रमन कुमार श्रेष्ठलाई प्रधानन्यायाधीशले सोधे, ‘प्रजातान्त्रिक मुलुकमा अदालतको व्याख्या प्रजातन्त्र बलियो बनाउने गरी गरिएको छ, राष्ट्रपतिकहाँ गरेको दाबी र अदालतमा ल्याएको निवेदन हेर्दा बहुलवादलमा आधारित दलीय व्यवस्था भनेर संविधानले जुन आधार स्तम्भको परिकल्पना गरेको छ नि, तपाईंहरुको निवेदनलाई मान्यता दिएमा दल क्षतविक्षत बनाउँदैन र ?’

जवाफ दिनुपहिले निवेदक पक्षलाई न्यायाधीश ईश्वर खतिवडाले पाँच वटा प्रश्न सोधेका थिए ।