काठमाडौँ । नेकपा एमालेको कार्यदलको बैठक सकिएको छ । सिंहदरबारमा बसेको कार्यदलको बैठक सकारात्मक भएको नेता माधव नेपाल पक्षले जनाएको छ ।

गत सोमबारदेखि बसेको बैठक भोलिसम्म टुंगोमा पुग्ने बैठकमा सहभागी नेताहरूले दाबी गरेका छन् । अध्यक्ष केपी शर्मा ओली र वरिष्ठ नेता माधव नेपाल पक्षका नेताहरू रहेको कार्यदलको बैठक आज तेस्रो दिन बसेको हो ।

बुधबार भएको बैठक सकारात्मक र सहमति दिशा उन्मुख भएको कार्यदलका सदस्यहरूले बताएका छन् । यसैसँगै विभाजनको मुखमा पुगेको नेकपा एमालेको मिलन हुने भएको छ ।