काठमाडौं । राजधानिको ठमेलबाट जुवा खेलिरहेका पाँच जना चिनियाँ नागरिक पक्राउ परेका छन् ।

ठमेलस्थित जेपी मोडमा चिनियाँ नागरिकहरु जुवातास र सट्टाबाजी खेलिरहेको सूचनाको आधारमा महानगरीय प्रहरी वृत्त लैनचौरबाट खटिएको प्रहरी टोलीले उनीहरुलाई बुधबार राति करिब १० बजे पक्राउ गरेको हो ।

महानगरीय प्रहरी वृत्त लैनचौरबाट खटिगएको प्रहरी टोलीले ठमेल जेपी मोडस्थित सियाङ होटलका सञ्चालक चिनियाँ नागरिक सिआयोलङ र पी. चुआन, हु वेनबिन, ही फुयु र लि सिआओ तोङ लाई पक्राउ गरेको हो । उनीहरुले जुवातास खेलिरहेको प्रहरीले फेला पारेको थियो ।

प्रहरीले उनीहरुको साथबाट १ लाख २३ हजार नेपाली रुपैयाँसमेत बरामद गरिएको छ । पक्राउ परेका उनिहरुलाई महानगरीय प्रहरी वृत्त लैनचौरबाट थप अनुसन्धान भइरहेको प्रहरीले जनाएको छ ।