काठमाडौँ । नेपाली कांग्रेसका वरिष्ठ नेता रामचन्द्र पौडेल क्रियाशील छानविन समितिको कार्यालयमा पुगेर क्रियाशील छानविन समितिले गरिरहेको कामका बारेमा जानकारी लिएका छन् ।

क्रियाशिल सदस्यता छानविन समितिले काम गरिरहेको तिलगंगा स्थित नेपाल भारत मैत्री धर्मशाला पुगेर पौडेलले क्रियाशील छानविन समितिले गरिरहेको कामका बारेमा जानकारी लिएका हुन् । पौडेलले क्रियाशील सदस्यता छानविन समितिले गरेको काम प्रशंसनिय भएको भन्दै समयमा नै टुंगो लगाउन निर्देशन दिएका थिए ।

क्रियाशील छानविन समितिका प्रवक्ता प्रदीप पौडेलका अनुसार वरिष्ठ नेता पौडेलले तोकिएको समयमा पार्टीको १४ औं महाधिवेशन गराउन जिम्मा क्रियाशील सदस्यता छानविन समितिको काँधमा रहेको समेत बताएका थिए ।

कृयासील सदस्यता छानबिन समितिका संयोजक रमेश लेखकले हालसम्म छानबिन प्रक्रियामा भएको प्रगतिबारे पौडेललाई जानकारी गराएका थिए । असार ३० गतेसम्म छानबिन पूरा गरी सक्ने उनले प्रतिबद्धता व्यक्त गरेका थिए । सहमतिमा नै सम्पुर्ण बिवाद टुंगोमा पुर्याउने भन्दै लेखकले ५७ जिल्लाको नामावली छापिसकेको र ६४ जिल्लाको नामावली टुङ्गो लागिसकेको जानकारी गराएका थिए ।