काठमाडौँ । नेपका एमालेभित्र देखिएको आन्तरिक विवाद मिलाउन गठित कार्यदलको बैठकबाट घनश्याम भुसाल बाहिरिएका छन् । बैठकबाट निस्केर उनी सीधै वरिष्ठ नेता माधव नेपाललाई भेट्न कोटेश्वर पुगेका छन् ।

बिहान सवा ९ बजेदेखि अर्थ मन्त्रालयमा बसेको बैठकबाट भुसाल बाहिरिएका हुन् । नेता नेपाल पक्षबाट कार्यदलको सदस्य रहेका उनी बैठकमा भएका छलफलबारे जानकारी गराउन नेता नेपालको निवासमा गएका हुन् ।

वरिष्ठ नेता नेपाल पक्षका कार्यदल सदस्यहरूले विवाद समाधान गर्न मस्यौदा तयार परी कोटेश्वर पुगेका थिए । नेता नेपालले मस्यौदामा अदालतलाई प्रभाव पार्ने शब्द नराख्न सुझाएका थिए ।

कार्यदलले आज पार्टीको सबै विवाद समाधान हुने बताइएको छ । केही दिनदेखि पार्टीको आन्तरिक विवाद मिलाउन पटकपटक बैठक बस्दै आएको छ ।