काठमाडौं । नेकपा एमालेका अध्यक्ष केपी शर्मा ओली र वरिष्ठ नेता माधव कुमार नेपालबीच भेटवार्ताको तयारी भएको छ ।

आइतबार साँझ कार्यदल स्तरमा भएको १० बुँदे सहमतिप्रति दुबै पक्षबाट फरक/फरक धारणा आएपछि समान धारणा तय गर्न दुई नेताबीच भेटवार्ताको तयारी भएको हो । यद्धपी भेटवार्ताको समय भने तय भएको छैन ।

अध्यक्ष ओली समूहले कांग्रेस सभापति शेरबहादुर देउवालाई प्रधानमन्त्री बनाउनुपर्ने प्रस्ताव सहित सर्वोच्चमा पेश गरेको हस्ताक्षर कार्यदलमा सहअमति भएसँगै निश्क्रिय भएको बताएको छ ।

नेता नेपाल पक्षले भने हस्ताक्षर फिर्ता नलिने अडान कायमै राखेको छ । स्थायी कमिटी बेठक बस्नु अघि साझा धारणा बनाउन पनि दुबै पक्ष छलफलमा बसन लागेका हुन् ।