काठमाडौं । सर्वोच्च अदालतको परमादेशअनुसार शेरबहादुर देउवा आज प्रधानमन्त्रीको शपथ ग्रहण गर्ने तयारीमा छन् । देउवाले प्रधानमन्त्री बने लगतै सानो आकारको मन्त्रीमण्डल गठन गर्ने सोमबार बसेको विपक्षी गठबन्धनको बैठकमा बताएका हुन् ।

देउवा निकट एक नेताले दिएको जानकारीअनुसार अर्थ र गृह मन्त्रालयमा कांग्रेसकै दाबी रहनेछ । तर अन्य कुन कुन मन्त्रालय कसलाई दिने भन्ने विषयमा निर्णय भएको छैन ।

यता,माओवादी केन्द्र र जनता समाजवादी पार्टी (जसपा) को बैठक अहिले बस्दैछ । उनीहरुको बैठकबाट सरकारमा जाने नेताहरुको टुंगो लाग्ने भएको छ ।
।