काठमाडौँ । नेकपा एमालेका नेता भीम रावलले राष्ट्र, जनताको स्वाभिमान, स्वतन्त्रता र समृद्धिभन्दा बाहिर गएर राजनीति गर्दा गम्भीर परिणाम आउने छर्लङ्ग भएको बताएका छन् ।

सोमबार प्रतिनिधिसभा विघटनविरुद्ध सर्वोच्च अदालतमा परेको रिटमाथि अन्तरिम आदेश जारी गर्दै संसद पुनःस्थापना र नेपाली कांग्रेसका सभापति शेरबहादुर देउवालाई दुई दिनभित्र प्रधानमन्त्री नियुक्त गर्न आदेश दिएको थियो ।

‘सर्वोच्च अदालतको फैसला र गत वर्षयताका घटनाक्रमबाट सबैले पाठ सिक्नु पर्छ,’ उनले भने, ‘राष्ट्र र जनताको स्वाभिमान, स्वतन्त्रता र समृद्धिका लागि राजनीति केन्द्रीत रहेन भने त्यसका परिणाम कति गम्भीर र घातक हुँदा रहेछन् भन्ने छर्लङ्ग भएको छ, सबैलाई चेतना भया ।’