काठमडाैं । सर्वोच्च अदालतले सोमबार गरेको फैसलाको विरोध गर्दै प्रधानमन्त्री केपी शर्मा ओली निकट अखिल नेपाल राष्ट्रिय विद्यार्थी संघ र युवा संघले मसाल जुलुस निकालेको छ ।

सर्वोच्च अदालतले प्रधानमन्त्री केपी शर्मा ओलीको सिफारिसमा राष्ट्रिति विद्यादेवी भण्डारीले गरेको संसद् विघटनको निर्णय बदर गर्दै विपक्षी गठबन्धनबाट प्रधानमन्त्रीमा प्रस्तावित शेरबहादुर देउवालाई प्रधानमन्त्रीमा नियुक्त गर्न आदेश दिएको थियो ।

सर्वोच्चको उक्त आदेशसँगै ओली पदमुक्त भएपछि आक्रोशित ओली समूहमा आवद्ध विद्यार्थी र युवा संघका कार्यकर्ताहरुले काठमाडौंका विभिन्‍न क्षेत्रमा मसाल जुलुस निकालेका हुन् । उनीहरुले सर्वोच्चले गलत निर्णय गरेको आरोप लगाउँदै आएका छन् ।