काठमाडौं । नेपाली कांग्रेसका वरिष्ठ नेता रामचन्द्र पौडेलले आफू पक्षको बैठक बोलाएका छन् । उनले पार्टीको १४ औं महाधिवेशन र समसामयिक राजनीति विषयमा छलफल गर्न बैठक बोलाएका हुन् ।

बैठकमा महामन्त्री शशांक कोइरालाको निवास महाराजगञ्जमा बस्ने जनाइएको छ । बैठकमा क्रियाशील सदस्यता विवादबारे पनि छलफल हुने बताइएको छ । यस्तै बैठकमा सभापति शेरबहादुर देउवाको नेतृत्वमा सरकार जाने मन्त्रीको बारेमा पनि छलफल हुने जनाइएको छ ।

प्रधानमन्त्री देउवाले कांग्रेसबाट बालकृष्ण खाँणलाई गृहमन्त्री र ज्ञानेन्द्रबहादुर कार्कीलाई कानुन मन्त्री बनाएका छन् । उनीहरू दुबै देउवा निकट नेता हुन् । देउवाले पौडेल र कृष्णप्रसाद सिटौला तर्फबाट मन्त्री हुनेहरूको नाम मागेका छन् ।