काठमाडौँ । प्रदेश २ मा नेकपा माओवादी केन्द्र सरकारमा सहभागी भएको छ । मुख्यमन्त्री लालबाबु राउत नेतृत्वको प्रदेश २ सरकारमा माओवादी केन्द्र सहभागी भएको हो ।

मुख्यमन्त्री राउतले माओवादी केन्द्रका भरतप्रसाद साहलाई आन्तरिक मामिला तथा सञ्चार मन्त्री र रुवी कर्णलाई राज्यमन्त्री नियुक्त गरेका छन् ।

शनिबार मधेस भवनमा आयोजित एक कार्यक्रममा मन्त्री साहले प्रदेश प्रमुख राजेश झा ‘अहिराज’ र राज्यमन्त्री कर्णले मुख्यमन्त्री राउतमार्फत पद तथा गोपनियताको शपथ लिएका छन् ।

यस्तै, माओवादी केन्द्रबाट मन्त्री नियुक्त गर्नुअघि दुई मन्त्रीले राजीनामा दिएका थिए । जनता समाजवादी पार्टी (जसपा)बाट आन्तरिक मामिला मन्त्री ज्ञानेन्द्र यादव र राज्यमन्त्री सरोज सिंह कुसवाहले राजीनामा दिएका हुन् ।