काठमाडौं । आज २०७८ साल श्रावण महिनाको तीन गते आइतबार, आषाढ शुक्लपक्षको नवमी तिथि रहेको छ । अब लागौं आजको राशिफलतर्फ ।

मेष
आफ्नो जीवनसाथिप्रति समर्पित रहेर कार्य व्यवहारहरु गर्न मन लाग्ने छ । प्रेमात्मक स्वाभाव हुने छ । पेशाप्रति केन्द्रीत हुने स्वाभावमा बृद्धि हुने छ । पेशागत क्षेत्रमा उन्नति, प्रगति हुने छ । आम्दानीमा पनि बृद्धि हुने छ । बोलीमा भने कडापना देखा पर्ने भएकाले संयमित रहनु होला ।

वृष
निर्णय क्षमतामा गिरावट देखा पर्ने छ । मनमा दुविधाका क्रमहरु एकपछि अर्काे गरि आउने छन् । पेशागत क्षेत्रबाट लाभ प्राप्त हुने छ । पेशागत जीवनमा सफलता मिल्ने छ । बोलीको प्रभावमा बृद्धि हुन जाने छ । रिस भने अत्यन्त कडा प्रकृतिको हुने भएकाले संयमित रहनु होला ।

मिथुन
धन सम्पत्ति शिक्षा वा क्षमता अभिबृद्धिमा लगाउन मन लाग्ने छ । बोलीमा प्रभावकारीता बृद्धि हुने छ । व्यवस्थापकीय क्षमतामा पनि बृद्धि हुने छ । बाठो प्रकृतिको व्यक्तित्व हुने छ । सन्तानप्रति वा सन्तानका बारेमा समर्पित भावमा तिब्रता आउने छ । भाग्यको साथ नभएका कारण धैर्य हुँदै अघि बढ्न ध्यान दिँदा उपयुक्त हुने छ ।

कर्कट
सुख सुविधाका साधन वा पदार्थहरुको प्रयोग गर्न मन लाग्ने छ । मनोबलमा कमि देखा पर्ने छ । दुविधात्मक शैलीको व्यक्तित्व हुन जाने छ । पेशागत जीवनमा उल्झनहरु देखा पर्न जाने हुँदा संयमित रहनु होला । परिवारको आड भरोसाले गर्दा अप्ठ्यारो परिस्थितिमा संहालिन मद्धत पुग्ने छ ।

सिंह
प्रतिष्पर्धात्मक स्वाभावमा बृद्धि हुने छ । पेशागत जीवनमा धैर्यता साथ कदमहरु चाल्नु पर्ने वा निर्णय लिनु पर्ने समय रहेको छ । आम्दानीको हकमा भने केही बृद्धि हुन जाने छ भने आम्दानीका विषयमा बोली प्रभावकारी बन्न पुग्ने छ । मनोबलमा गिरावट आउँदा आफैले आँटेका कामहरु पनि सम्पन्न गर्न सक्ने विषयमा अन्योल जस्तो बन्न पुग्ने छ ।

कन्या
बोलीमा नरमपना र शितलता देखा पर्ने छ । परिवारप्रति केन्द्रीत रहने व्यक्तित्व बन्ने छ । आफ्ना सपना, लक्ष्य तथा आम्दानी परिवारप्रति समर्पित गराउन मन लाग्ने छ । आम्दानीमा बृद्धि हुने छ भने पैतृक सम्पत्तिबाट पनि लाभ मिल्ने छ । पेशागत जीवन स्थिर रहने छ । व्यवस्थापकीय खुबीमा बृद्धि हुने छ ।

तुला
शितल खालको व्यक्तित्व बन्ने छ । बोलीमा भने अलि कटु प्रकृतिको भाव बृद्धि हुने हुँदा ध्यान दिनु होला । आम्दानीमा केही बृद्धि हुन पुगेता पनि पेशागत जीवनमा अस्थिरता उत्पन्न हुन पुग्ने छ । अध्ययन अध्यापनमा भने प्रगति हुने छ । भाग्यको साथ रहेकाले प्रतिकुल परिस्थितिमा पनि अवस्था सन्तुलित रहन ठुलो मद्धत प्राप्त हुने छ ।

वृश्चिक
विदेश यात्रातर्फ सोचहरु आउने छन् । मनमा उदासिनताको मात्रा बढ्न जाने छ । नकारात्मक विचार र धारणालाई नियन्त्रित गर्न प्रयास गर्नु होला । पेशागत जीवनमा स्थिरता आउने छ भने कमाईमा पनि बृद्धि देखिने छ । बोलीको प्रभावमा भने कमि आउने हुँदा धेरै बोल्ने भन्दा कम तर प्रभावरी बनाउने प्रयास गर्नु उपयुक्त हुने छ ।

धनु
धेरै जोखिम भन्दा भए गरेका कामहरुलाई निरन्तरता नै उपयुक्त हुने देखिन्छ । आम्दानी तथा सपनाका विषयमा सन्तोषजनक प्रगति हुने छैन् । विभिन्न खाले अवरोधहरुको सामना गर्नु पर्ने छ । पेशागत जीवनमा उतार–चढाव देखिने भएकाले संयमित भई कदमहरु चाल्नु होला । जीवनसाथिको साथसहित पेशागत क्षेत्रलाई अघि बढाएमा जोखिम कम हुने छ । प्रतिष्पर्धात्मक क्षमतामा भने बृद्धि हुने छ ।

मकर
व्यक्तित्व दृढ खालको हुने छ । कतिपय अवस्थामा आवश्यकता भन्दा बढि कडा खालको व्यक्तित्व बन्ने भएकाले अन्य व्यक्तिहरुले घमण्डि जस्तो अनूभुत समेत गर्ने भएकाले यसबारेमा सतर्क रहनु होला । जीवनसाथिको साथ र सहयोगले पेशागत जीवनमा ठुलो भुमिका खेल्ने छ । साझेदारीमा गरिएका कामहरुमा समस्या देखा पर्ने छन् ।

कुम्भ
बौद्धिक क्षेत्रमा प्रगति हुने छ । ज्ञान भाव र बुझाईको मात्रा फराकिलो बन्ने छ । चतुरतामा बृद्धि हुने छ । प्रतिष्पर्धीहरुको अभिव्यक्ति तथा भनाईबाट मनमा खिन्नता आउने छ । यसले पेशागत जीवनमा पनि असर पर्ने देखिएकाले अरुको कुरा भन्दा पनि आफ्नो भित्रि मनमा लागेका कुराहरु गर्ने तर्फ जाँदा पेशागत जीवनमा फाइदा मिल्ने छ ।

मीन
आम्दानीमा केही बृद्धि हुन जाने छ । पेशागत जीवनमा भने नसोचेका समस्याहरु देखा पर्ने भएकाले सतर्कतासहित कदम चाल्नु होला । दाम्पत्य जीवनमा मधुरता आउने छ । जीवनसाथिको साथ र सल्लाहमा कदम चालेमा जोखिमबाट बच्न सकिने छ । मनमा खिन्नता र उदासिनताको मात्रा बढ्न पुग्ने छ ।