काठमाडौँ । तत्कालीन प्रधानमन्त्री केपी शर्मा ओली नेतृत्वको सरकारमा महिला, बालबालिका तथा ज्येष्ठ नागरिक, राज्य मन्त्री बनेकी जनता समाजवादी पार्टी (जसपा)की रेणुका गुरुङ अध्यक्ष उपेन्द्र यादव पक्षमा फर्किएकी छन् । अर्का अध्यक्ष महन्थ ठकुर पक्षबाट मन्त्री बनेकी उनले कित्ता परिवर्तन गरेकी हुन् ।

उनी उपेन्द्र यादव–बाबुराम भट्टराई पक्षले बोलाएको संसदीय दलको बैठकमा सहभागी भएकी हुन् । यसअघि ठाकुर पक्षका पाँच सांसद यादव पक्षको संसदीय दलको बैठकमा सहभागी भइसकेका थिए ।

उनीहरू आफ्नो पक्षमा आएसँगै संसदीय दलमा बहुमत पुगेको उपेन्द्र–बाबुराम पक्षले दाबी गरेको छ ।