काठमाडौं । सरकारको नेतृत्व गरेको काग्रेसले प्रधानमन्त्री शेरवहादुर देउवाले आज संसदमा लिन लागेको विश्वासको मतको प्षमा मतदान गर्न आफ्नो पार्टीका सवै सांसदलाई अनिवार्य उपस्थितीका लागि ह्वीप लगाएको छ ।

नयाँ बानेश्वरस्थित संसद भवनको ल्होत्से हलमा वसेको काग्रेस संसदीय दलको बैठकले अनिवार्य उपस्थित हुन आफनो पार्टीका सांसदलाई निर्देशन जारी गरेको हो ।

देउवाले आज संसदको दोस्रो सत्रमा विश्वासको मत लिदैछन् ।

उनी संविधानको धारा ७६(५) अनुसार सर्वोच्च अदालतको परमादेशका आधारमा असार २९ गते प्रधानमन्त्री नियुक्त भएका थिए । देउवाले एक महिनाभित्र विश्वासको मत लिनुपर्ने संवैधानिक ब्यवस्था छ । त्यही ब्यवस्थाका आधारमा आज संसद चल्ने शुरुकै दिन विश्वासको मत लिन लागेका हुन् ।

दल बैठकले सभापति देउवालाई विश्वासको मत दिने निर्णय गरेको छ । साथै विश्वासको मत अन्य पार्टीवाट दिलाउन पनि भूमिका खेल्ने निर्णय कांग्रेसको छ ।

सोही कारण आजको बैठकमा पार्टीका सबै सांसदहरुलाई अनिवार्य उपस्थित निर्देशन पनि दिएको काँग्रेस सचेतक पुष्पा भुसालले जानकारी दिइन् । बैठकले विश्वासको मत दिने नेकपा माओवादी केन्द्र, नेकपा एमालेका सांसदहरू, जनता समाजवादी पार्टी ९उपेन्द्र यादव० पक्ष, राष्ट्रिय जनमोर्चाका सांसदहरुलाई धन्यवाद दिने पनि निर्णय गरेको छ ।