काठमाडौँ । अमेरिकाबाट अनुदान प्राप्त कोरोना भाइरसविरुद्धको खोप लगाउन सुरु भएको छ । प्रधानमन्त्री शेरबहादुर देउवाले खोप लगाउन शुभारम्भ गरेका हुन् ।

जोरपाटीस्थित खगेन्द्र नवजीवन केन्द्रमा स्वास्थ्यकर्मीलाई खोप हस्तान्तरण गर्दै प्रधानमन्त्री देउवाले खोप लगाउन शुभारम्भ गरेका हुन् । उक्त कार्यक्रममा नेपालका लागि अमेरिकी राजदूत र्‍याण्डी बेरीसमेत सहभागी भएका थिए ।

अमेरिकाले जोन्सन एण्ड जोन्सन कम्पनीको १५ लाख ३४ हजार ८५० डोज खोप नेपाललाई अनुदान दिएको थियो । यो खोप एक डोजमात्र लगाए पुग्छ ।

उक्त खोप आजदेखि अपांगताको क र ख वर्गको परिचयपत्र पाएका व्यक्ति, नेपालमा बसोबास गरिरहेका शरणार्थी, सफाइकर्मीलगायतलाई दिन सुरु गरिएको स्वास्थ्य मन्त्रालयले जनाएको छ ।