काठमाडौं । नेपाली कांग्रेसका पूर्वमहामन्त्री प्रकाशमान सिंहले बिपी कोइरालाले गलत कुरामा कसैसँग पनि सम्झौता नगरेको बताएका छन्। उनले आफूलाई संकटमा पारेर पनि देश, जनता र प्रजातन्त्रप्रति उहाँको दृढ संकल्पको जति प्रशंसा गरेपनि कम नहुने बताएका हुन् ।

बीपीको स्मृति दिवसमा आज सिंहले भने, ‘नेपाली जनतालाई स्वतन्त्रता प्रदान गर्दै प्रजातन्त्रको दियो बालेर रैतीबाट नागरिक बनाउन बिपीले गर्नुभएको योगदान सधैं स्मरणीय छ।’
बिपीले देश र जनतालाई सर्वोपरी ठान्नुहुन्थ्यो। प्रजातन्त्रको बाटोमा हिँड्ने र गलत कुरामा कसैसँग सम्झौता नगर्ने कुरा कांग्रेसले पनि आत्मसाथ गर्न सक्नुपर्ने उनले बताए । साथै उनले बकर इदमा पनि शुभकामना दिएका छन्।