शनिबार, माघ २६, २०८१

गण्डकीमा गुरुङ र लुम्बिनीमा शेरचन प्रदेश प्रमुख सिफारिस, प्रदेश २ को नाम टुङ्गो लागेन

मेरोन्यूज २०७८ साउन १२ गते १७:५७

काठमाडौं । सरकारले गण्डकी प्रदेशको प्रमुखमा पृथ्वीबहादुर गुरुङ र लुम्बिनी प्रदेशको प्रमुखमा अमिक शेरचनलाई नियुक्त गर्न सिफारिस गरेको छ । आज बसेको मन्त्रिपरिषद बैठकले उनीहरुलाई प्रदेश प्रमुखमा नियुक्त गर्न राष्ट्रिपति समक्ष सिफारिस गर्ने निर्णय गरेको हो ।

Advertisement

गुरुङ नेपाली कांग्रेस र शेरचन नेकपा माओवादी केन्द्रबाट प्रदेश प्रमुखका लागि सिफारिस भएका हुन् । मन्त्रिपरिषद्को सिफारिसमा राष्ट्रिपतिले प्रदेश प्रमुखमा नियुक्ति गर्ने व्यवस्था रहेको छ ।

प्रधानमन्त्री निवास बालुवाटारमा बसेको मन्त्रिपरिषद्को बैठकले लुम्बिनी, गण्डकी र प्रदेश २ का प्रदेश प्रमुख परिवर्तन गर्ने निर्णय गरेको हो । प्रदेश २ मा जनता समाजवादी पार्टी (जसपा)बाट प्रदेश प्रमुखको नाम टुङ्गो नलागेकाले सिफारिस गरेको छैन ।

प्रतिक्रिया