काठमाडौं । कोरोना संक्रमणको ग्राफ निरन्तर बढ्दै गएको छ । पछिल्लो समयमा कोरोना भाइरस कोभिड-१९ बाट संकमण हुनेको दर बैढ्दै गएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार कोरोना संकमणबाट मृत्यु हुनेको संख्या पनि बढ्दै गएको छ । पछिल्लो २४ घण्टामा देशभर ३ हजार ८४० जनामा कोरोनाभाइरस संक्रमण पुष्टि भएको छ । पछिल्लो २४ घण्टामा १ हजार ९९३ जना कोरोना संकमणबाट मुक्त भएका छन् । यस्तै पछिल्लो २४ घण्टामा ३३ जनाको मृत्यु भएको स्वास्थ्य मन्त्रालयका सहप्रवक्ता डा. समीर कुमार अधिकारीले प्रेस ब्रिफिङमा जानकारी दिए ।

यसअघि मंगलबार देशभर ३ हजार ८९९ जनामा संक्रमण पुष्टि भएको थियो भने २० जनाको मृत्यु भएको थियो । मन्त्रालयका अनुसार देशभर जम्मा संक्रमितको संख्या ७ लाख ४६ हजार ६५७ पुगेको छ भने त्यसमध्ये ६ लाख ४९ हजार ७२ जना निको भएका छन् ।