काठमाडौं । सत्तारुढ गठवन्धनमा सहभागी दलहरु वीचमै मन्त्रालय भागवन्डामा टुग्गो लगाउन नसक्दा मन्त्रिपरिषद् विस्तारमा अझै सकस देखिएको छ । दलहरुभित्रको आन्तरिक विवाद र मन्त्रीहरुको सम्भावित नामको सूचि र मन्त्रालय टुग्गो नलाग्दा गठवन्धन दलहरुको संयुक्त बैठक समेत प्रभावित भएको छ ।

वुधबार दिनभर गठवन्धन दलका शीर्ष नेताहरुले आ–आफनो पार्टीभित्र आन्तरिक छलफल र सहमति खोज्ने र विहिवार विहान गठबन्धन दलका शीर्ष नेताहरुको एकचरण बैठक गरेर मन्त्रीपरिषद् विस्तार गर्ने समझदारी नेताहरुले गरेपनि त्यो प्रयास सफल हुन सकिरहेको छैन ।

दलहरुभित्रै आन्तरिक समझदारी मिल्न नसक्दा विहिवार विहान बस्ने भनिएको सत्ता गठवन्धन दलको बैठक प्रभावित बनेको छ । गठवन्धन दलको संयुक्त बैठक बस्न नसकेपनि माओवादी केन्द्रका अध्यक्ष पुष्पकमल दाहाल (प्रचण्ड) र प्रधानमनत्री शेरवहादुर देउवावीच विहान प्रधानमन्त्रीको सरकारी निवास बालुवाटारमा झण्डै एक घण्टा छलफल भयो । तर गठवन्धना अन्य दलका नेताहरु पनि सहभागी भएर छलफल हुन सकेन ।

प्रधानमन्त्रीसँगको छलफल पछि माओवादी केन्द्रका अध्यक्ष प्रचण्ड एमालेका बरिष्ठ नेता माधव नेपालसँग छलफलका लागि कोटेश्वर पुगेका थिए । नेपालसागको छलफल पछि उनी अहिले आफ्नै निवास खुमलटारमा छन् ।

मन्त्रीपरिषद् विस्तारमा एकातिर मन्त्रालयको भागवन्डा दलहरुको वीचमा अझै बन्न सकेको छैन । अर्काेतिर दलहरुभित्रै कसलाई मन्त्री बनाउने भन्ने पनि टुग्गिएको छैन । तर प्रधानमन्त्री देउवाले दुई तिन दिन यता भने आफुलाई मन्त्रीहरुको नाम छिटो दिन सत्ता गठवन्धनका दल नेताहरुसँग ताकेता गरिरहेका छन् ।

उनले आफनो पार्टीभित्रै पनि मन्त्री बन्नेको सूचि दिन दिनै लामो हुँदै जान थालेपछि वरिष्ठ नेता रामचन्द्र पौडेल, महामन्त्री पूर्णवहादुर खड्का र नेता कृष्णप्रसाद सिटौलालाई मिलाएर ल्याउन आग्रह गरेका छन् । काग्रेसमा प्रधानमन्त्री देउवाले सम्भावित मन्त्रालयमा दुई–दुई जनाको नाम सिफारिस गरेर नेताहरु पौडेल, खडका र सिटौलालाई मिलाएर ल्याउन आग्रह गरेको प्रधानमन्त्रीको नीजि सचिवालय स्रोतले बताएको छ ।

परराष्टमा सुजाता कोइराला र नारायण खडका दुई जनाको नाम प्रस्ताव भएको छ । अन्य मन्त्रालयमा पन ित्यसैगरी दुई–तीन जना सम्मको नाम सिफारिस भएको स्रोत बताउँछ । अव त्यसमा के कसरी मिलाउने त्यसमा छलफल गर्न पौडेल, सिटौला र खडकालाई देउवाले अख्तियारी दिएको स्रोत बताउँछ ।

गठवन्धनमा मन्त्रालय भागवन्डामै सवैभन्दा कठिन जसपालाई मिलाउन सकस परिरहेको देउवा निकट स्रोतले जनाएको छ । जसपालाई काग्रेस माओवादीले दिन चाहेको मन्त्रालयको संख्या भन्दा वढी नै माग जसपावाट भएको छ । दुई दिन यता बसेको जसपा केन्द्रीय कार्यकारिणी समितिको पूर्ण बैठकमा मन्त्रीहरुको सूचि लम्विदो भएपछि अध्यक्ष उपेन्द्र यादव प्रेसरमा छन् । गठवन्धन दलले दिने मन्त्रालयको संख्याको सिमितता र पार्टीभित्र आकाक्षीको लामो रोष्टर तयार हुँदा प्रधानमन्त्री र माओवादी केन्द्रका अध्यक्ष सँग मन्त्रालय भागवन्डामै जसपाको मिल्न सकिरहेको छैन ।

जसपाले मन्त्रालयको भागवन्डा मिलाउन र मन्त्रीहरुको नाम टुग्गो लगाउन वुधबारको बैठकले अध्यक्ष उपेन्द्र यादव, संघीय परिषद्का अध्यक्ष डा वावुराम भट्टराई र वरिष्ठ नेता अशोक राईलाई जिम्मा दिने निर्णय गरेको छ ।

तर मन्त्रालयको भागवन्डामै कुरा अल्झिरहेको सरकारका एक मन्त्रीले जानकारी दिए । ति मन्त्रीका अनुसार उपेन्द्य्रसाग मन्त्रालयमै कुरा मिलिरहेको छैन ।

प्रधानमन्त्री देउवाले भने दलहरुका वीचमा मन्त्रालय भागवन्डा मिलेर मन्त्रीहरुको नाम सिफारिस भएर आएमा आजै साझ सम्म पनि मन्त्रिपरिषद् विस्तार गर्ने योजना बनाएका थिए । नभएपनि उनले भोलि सम्म भएपनि मन्त्रीपरिषद् विस्तार गर्ने सोच बनाएका छन् । त्यसका लागि उनले ताकेता गरेको गरयै छन् ।

देउवा प्रधानमन्त्री बनेकौ १७ दिन भईसकेको छ । यो वीचमा उनले कांग्रेसका २ र माओवादी केन्द्रका २ नेतालाई मन्त्री बनाएका छन् । वीचमा कांग्रेसका एक लाई राज्यमन्त्री बनाएका छन् । त्यसभन्दा वढी उनले कसैलाई पनि मन्त्री बनाएका छैनन । झण्डै तीन साता पुगन लाग्दा समेत मन्त्री परिषद् विस्तार नहुादा मन्त्रालयको काम समेत प्रभावित वन्न थालिसकेको छ ।

मन्त्रीपरिषद् विस्तारमा ढिलाई गर्दा प्रधानमन्त्री आलोचित बन्न थालिसकेका छन् ।

आजै साझ सम्म पनि देउवाले पार्टीका तीन नेता र अन्य गठवन्धन दलका शीर्ष नेताहरुलाई छलफल गरेर आन्तरिक भागवन्डा टुग्याउन र नाम सिफारिस गर्न भनिरहेका छन् ।

दलहरुका वीचमा मन्त्रालय भागवन्डा टुग्गिएपनि कुन मन्त्रालयमा कसलाई पठाउने भन्नृ उत्तिकै जटिलता देखिएको छ । काग्रेस, माओवादी केन्द्र र जसपा तिन ओटै गठवन्धनभित्र मन्त्री बन्नेको सूचि लामो छ ।