काठमाडौं । गायक दुर्गेश थापाको नयाँ सार्वजनिक भएको गीत ‘बीच्च बीच्चमा ४’को चर्को आलोचना भएको छ । गीतमा प्रयोग भएका शब्दलाई लिएर सांगीतिक क्षेत्रमा आलोचना भइरहेको छ ।

‘बीच्च बीच्चमा ४’ को ख्यास्स पुतली गीतले तीजको मर्ममाथि प्रहार गरेको भन्दै स्रोता–दर्शकहरुले आलोचना गरेका छन् । ‘राष्ट्रिय लोक तथा दोहोरी गीत प्रतिष्ठान’ले गीत ल्याउने तयारी गरेको जानकारी पाएपछि गायक थापाको ध्यानाकर्षण गराएको थियो । प्रतिष्ठानले साउन ७ गते थापालाई ध्यानाकर्षण पत्र काटेको थियो ।

प्रतिष्ठानका अध्यक्ष रमेश बिजी र प्रतिष्ठानको विकृति विसंगती न्यूनीकरण विभाग समितिका संयोजक शिव हमालको संयुक्त हस्ताक्षरमा काटिएको पत्रलाई बेवास्ता गर्दै गीत सार्वजनिक गरेका छन् ।

पत्रमा लेखिएको छ, ‘‘यहाँ जत्तिको सुप्रसिद्ध कलाकारले सामाजिक रुपमा पनि आफ्नो कर्तव्य र दायित्व मनन गरी उक्त प्रस्तुतिमा प्रयोग गरिएका आपत्तिजनक शब्दहरु फेरबदल गरी प्रस्तुत भइदिनुहुन ध्यानाकर्षणसहित अनुरोध समेत गर्दछौं । कलाकारितामा नैतिकता र इमान्दारिता नै ठूलो हो, न कि पैसा र चर्चा ।’ संस्थाको आग्रहलाई व्यवस्था गरेपछि प्रतिष्ठानले थापालाई बहिष्कार गर्ने तयारी गरेको छ ।