काठमाडौं । दार्चुलामा भारतीय सीमा सुरक्षा बल (एसएसबी)ले तुइनको फलामे तार काटिदिएपछि ३० वर्षीय युवा जयसिंह धामीको मृत्यु भएको छ । उक्त घटनाप्रति नेकपा (माओवदी केन्द्र)का विभिन्न भातृ संगठनहरूले घटनाबारे निष्पक्ष छानबिन गरी दोषीलाई कारबाही गर्न माग गरेका छन् ।

भातृ संगठनहरू योङ्ग कम्युनिस्ट लिग नेपाल (वाइसिएल), देशभक्त जनगणतान्त्रीक मोर्चा र नेपाल राष्ट्रिय बुद्धिजीवी संगठनले उक्त घटनाबारे छानबिनको माग गरेको हो ।

ब्यास गाउँपालिका–२ निवासी ३० वर्षीय युवा जयसिंह धामीको महाकाली नदीमा डुबेर मृत्यु भएको घटनाप्रति ध्यानाकर्षण गराउँदै योङ्ग कम्युनिस्ट लिग नेपाल (वाइसिएल), देशभक्त जनगणतान्त्रिक मोर्चा र नेपाल राष्ट्रिय बुद्धिजीवी संगठनले उक्त घटनाबारे निष्पक्ष छानबिन गरी दोषीलाई कानुनी कारबाहीमा ल्याउन सुझाएका छन् ।

घटनाबारे सरकारलाई ध्यानाकार्षण गराउँदै योङ्ग कम्युनिस्ट लिग नेपाल (वाइसिएल), देशभक्त जनगणतान्त्रिक मोर्चा र नेपाल राष्ट्रिय बुद्धिजीवी संगठनले आ-आफ्नै विज्ञप्तिमार्फत छानबिनसहित दोषीलाई कारबाहीको माग गरेको छ ।