काठमाडौं । नेकपा एमालेका अध्यक्ष केपी शर्मा ओलीले बोलाएको स्थायी कमिटी बैठक स्थगित भएको छ । शनिबार दिउँसो ३ बजेका लागि बोलाइएको बैठक बैठक अन्तिम समयमा स्थगित भएको हो । एकता प्रक्रियालाई अघि बढाउन भन्दै नेताहरु तुल्सीलाल स्मृति प्रतिष्ठानमा पुगिसकेपछि बैठक स्थगित भएको हो ।

बैठकमा सहभागी हुन अध्यक्ष केपी शर्मा ओलीसहित स्थायी कमिटी सदस्यहरु च्यासल पुगेका थिए । विघटित कार्यदलका सदस्यहरुको आग्रह अनुसार आजका लागि डाकिएको बैठक स्थगित भएको हो । एमाले एकतालाई गति दिन भन्दै विघटित कार्यदलका सदस्यको आग्रहपछि बैठक स्थगित गरिएको ओलि निकट एक एमाले नेताले जानकारी दिए ।

बैठकमा भाग लिन उपाध्यक्ष वामदेव गौतम पनि गएका थिए । भने आफूहरुलाई माओवादीमै रहेको दाबी गर्ने नेताहरु पनि बैठकमा भाग लिन पुगेका थिए।

बैठक आज दिउँसो ३ बजेका लागि बोलाइएको थियो ।