काठमाडौं । सरकारले साउन २५ गतेदेखि कोभिसिल्ड खोपको पहिलो मात्रा लगाएका साढे १३ लाख जेष्ठ नागरिकलाई दोस्रो मात्रा खोप लगाउने भएको छ । परिवार कल्याण महाशाखा, बालस्वास्थ्य तथा खोप शाखाले जापान र भुटानले उपलब्ध गराएकोे खोप एस्ट्राजेनका लगाउने तयारी गरेको छ ।

शाखा प्रमुख डा।झलक शर्मा गौतमले साउन २५ गतेदेखि कोभिसिल्डको दोस्रो मात्रा खोप लगाउने तयारी भइरहेको जानकारी दिए ।

उनले भने,‘आजदेखि भेरोसेलको दोस्रो मात्रा खोप लगाउने कार्यक्रम चलिरहेको छ,यो अभियान सकिने बित्तिकै हामी कोभिसिल्डको दोस्रो मात्रा लगाउन सुरु गर्छौ ।’

अक्सफोर्ड अस्ट्राजेनेकाले विकास गरेको र भारतको सेरम इन्स्च्यिूटले उत्पादन गरेको कोभिडसिल्ड खोप गत चैतमा १३ लाख ३८ हजार जेष्ठ नागरिकलाई लगाइसकेको छ।

स्वास्थ्य तथा जनसंख्या मन्त्रालयले दोस्रो मात्रा १२ सातामा लगाउनुपर्ने भएपनि भारत खरीदको खोप उपलब्ध नगराएकाले उनीहरुलाई अस्ट्राजेनेका खोप लगाउने निणर्य गरेको थियो। भुटानले दिएको ३ लाख डोज अस्ट्राजेनेका खोप आजै विहान नेपाल आइसकेको छ।